قصة ( نآصر ، شجن ) ..

كيفكمـ : حبايبي ...

صباحـ / مساء : الخيرات ..

ناصر وشجـــــــــــــــــــــــن
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
كان ياماكان في حاضر العصر والاوان
كان في بنت حلووووة اسمها شجن
وحيده اهلها ماعندها خوات ولا اخوان
كانت عايشة في الخارج لتكمل دراستها الجامعية فكانت تعيش في سكن
طالبات الجامعه في كندا
وايضا في نفس الجامعه شاب وسيم يدعى ناصر
اخونا ناصر كان ابن عز ومتعود على حياة الترف
اما شجن فكانت حياتها عادية جدا
في يوم من الايام كان ناصر وصديقه يوسف في مواقف الجامعه
وكان هناك شجن وصديقاتها حصل اصطدام بسيط بين ناصر وشجن
لانه ناصر كان يبي يفتح باب سيارته فخبط شجن على وسطها بالباب دون قصد
طبعا شجن ماسكتت له وقالت له
شجن : يؤيؤ شفيك انت ماتشوف منت شايفني واقفه ليش تفتح الباب وتخبطني فيه
ناصر: سووووري ماكن قصدي غصبن عني
شجن : انتو كذا يالشباب يوم ودكم تتحرشون في بنت تسون أي طريقة
وبعدين تقولون سووري
ناصر: لو سمحتي اختي انا غير عن كل الشباب انا ماافكر اصلا اني
اطالع في اشكالكم
شجن : تراك قليت ادبك منت ملاحظ
ناصر : وش يعني ماهمتيني
يوسف : خلاص ياجماعه حصل خير اسفين اختي شجن : ياله روح بس اركب سيارتك واتسهل قبل ماكلمك الامن
ناصر يطالع فيها نظرات ازدراء ويضحك ويمشي عنها هو ويا يوسف
شجن معصبة تركب سياراتها وتروح تتمشى شوي
وخلال تمشيتها جلست تراجع نفسها وش ذا الي سوته مع الشاب ناصر
مبين عليه محترم بس هي ماعرفت تتصرف معاه
وفكرت وهي تتمشى انها تروح للسوق تقضي هدايا قبل الاجازة
لانها بتسافر خلال الاجازة لاهلها تقضي الصيف عندهم
وخلال ماهي تتسوق اصطدمت بشاب
على طول بادرته بالاسف وهو بعد تأسف منها يوم طالعوا ببعض زين
عرفوا بعض قام ناصر قالها
ناصر: انتي ملاحقتني
شجن : اناولا انت الي ملاحقني
على العموم حصل خير عن اذنك
لما اصدموا ببعض اتلخبطت جوالاتهم
ناصر اخذ جوال شجن
وشجن خذت جوال ناصر
ناصر يرن عنده الجوال
ناصر: الووو مين
سمر : انت مين ووين شجن
ناصر : شجن مين هذا جوالي انتي غلطانه
وتوالت عليه الاتصالات
شجن : الووو
يوسف : مين انتي
شجن خير اخوي تبي شيء انت داق علي
يوسف : انا داق على خويي ناصر وهذا رقمه
شجن : شلون كم الرقم الي انت طالبه
يوسف :؟!؟!؟!؟!؟
شجن : غلطان اخوي
تروح شجن وتدق على جوالها
ناصر: الوو
شجن : مين انت
وشلون جوالي عندك
ناصر : جوالك
يبه هذا جوالي انا ناصر انتي الي داقه غلط
شجن : لا موغلط ارجع انت ودق على رقمك وشوف مين يرد عليك
ناصر : اوكي
يدق ناصر وترد عليه شجن
شجن : شفت اخوي مو قلت لك انه الي معاك جوالي والي معاي جوالك
ناصر : أي صحيح شلون اخذه منك
شجن نتقابل في الحديقة العامة
ناصر : اوكي الساعه 4 زين
شجن : اوكي
اتقابلوا وكل واحد منهم اخذ جواله وراح بحال سبيله بعد اسبوع
تجهز شجن شنطة سفرها لانها بترجع لاهلها
وصادف انه ناصر بيرجع في نفس الرحلة هو بعد
تقابلوا بالمطار وابتسموا لبعض
واستغربوا من الصدف الي للحين تجمعهم ببعض حتى يوم سفرهم
كل واحد منهم حط شنطته بالجهاز ومشيوا عشان يركبوا الطيارة
بس بالطيارة ماكانوا جنب بعض
ناصر كان درجة اولى
وشجن درجة ضيافة (سياحية )
الرحلة كانت مزحومه خاصة درجة الضيافة
وكان جالس جنب شجن شاب قليل ادب ضايقها واضطرت انها تكلم
(السوبر فايزر) عشان يوقفه عند حده
فااقترح عليها السوبر فايزر بما انها بنت لوحدها والطيارة لسه
مااقلعت انها تروح لدرجة اولى فيها مقعد شاغر وبدون
مايحسب عليها شيء ابتسمت له شجن ووافقت
ولما وداها السوبر فايزر لقيت انه الكرسي الشاغر هو الكرسي الي جنب ناصر
فرفضت انها تجلس جنبه عشان لايقول انها تلاحقه
فضحك لها ناصر وقالها اتفضلي اختي ارتاحي مارح اسويلك شيء
شجن : لا مشكور انا برجع مكاني
ناصر : لا والله مايصير انا بروح مكانك وانتي ارتاحي هنا
شجن : لا اعذرني
ناصر : اجل خلاص اجلسي هنا واوعدك اني طول الرحلة مااتكلم
ولا اطالع يمك ابد
شجن : اوكي اتفقنا
اقلعت الرحلة
طول الرحلة ناصر يبادلها نظرات متخفيه ويحاول انه يلفت نظرها بس مافي فايدة
شجن : لو سمحت ممكن الجريدة اذا انتهيت منها
ناصر: اكييد اتفضلي
شجن : شكرا
ناصر : عفوا
بعد شوي
كل واحد منهم استسلم لنومه
وصلت الرحلة
نزلوا للمطار
طبعا لقيوا اهلهم استقبلوهم
وراح ابو شجن يستلم شنطتها لكن تلخبط واخذ شنطة ناصر
ناصر بعدين مالقى غير شنطة شجن واخذها لانها شبيه جدا بشنطته
شجن في البيت
شجن : وحشتيني يامي وانت يابوي
تعالوا اوريكم وش جبت لكم من كندا
تفتح الشنطة شجن وتلاقي صورة ناصر وملابس رجالية عرفت انها تلخبطت معاه بالشنط
فقالها ابوها طالعي باغراضه مافي له عنوان او رقم
دورت شجن ومالقت الا رقم واحد
بدون اسم
فاتصل ابوها على الرقم وقاله تعرف ناصر...
طبعا اسمه موجود على الشنطة
صديق ناصر : قاله ايه خير وش فيه
ابو شجن: خير ان شاء الله بس في المطار اتبدل شنطته مع شنطة بنتي
واذا كنت تعرف له رقم ياريت تدلنا عليه
طبعا الشاب ماقصر وعطاهم رقم بيته وجواله
ناصر يوم وصل البيت وسلم على اهله
طلع غرفته يرتاح وطلب من الخدامة انها تجيب له الشنطة
وهو يفتح الشنطة استغرب
لقى ملابس بنت ملابس نسائية
ناصر : يؤ يؤ وش ذا انا في كندا ماصار معي كذا
وش ذا الزين
ولقى صورة لشجن
وعرف ان الشنطة لها
بس ويلاقي على الشنطة مكتوب عوانها ورقم تلفونهم
ويروح ويتصل
ناصر: الوو السلام عليكم
ابو شجن : وعليكم السلام
ناصر: معاك ناصر ...
ابو شجن: جيت والله جابك
شنطتك ياولدي عندنا
ناصر : والله وانتو بعد شنطة الانسة شجن عندي
تواعدوا انهم يتقابلو ويبدلوا الشنط وكل واحد يأخذ شنطته
وفعلا تقابل ابو شجن وناصر
شجن استغربت من كل الصدف الي جمعتها بناصر للحين
في مواقف الجامعه
في السوق
الجولات
في المطار
في الطيارة
والشنطة
جلست شجن طول الليل تفكر في ناصر
وناصر نفس الشيء انشغل فكره بشجن
واتمنى انه تبادله نفس الشعور لانه معجب فيها لدرجة كبيرة
ووده لو تكون زوجته بس صعبه شوي لانه في عقبة في طريق ناصر
انه خاطب بنت خالته قبل مايسافر ومايقدر يسيبها
حاول انه يتصل على شجن لكن ابد ماصادف انها ترد عليه
صار يتخيلها طول الوقت وموقادر يشيل صورتها من باله
خاف ناصر انه يعلق عقلة وقلبه في انسانه ماتفكر فيه ابد فحاول انه يتناسى الموضوع
انخطبت شجن واتحدد موعد الفرح
ومن محاسن الصدف ايضا انها طلعت تعرف خطيبة ناصر
وطلعت صديقتها
فراحت شجن تعزمها لحفل زواجها
دانا : هلا والله شجن
شجن : ياهلا فيك
دانا : ياهووو وين الغيبة ولا كأن لكي صديقة تسألين عنها
شجن : اعذريني يادندون بس من يوم مارجعت من السفر وانا معتفسه
انخطبت فجأة واتحدد موعد العرس بين يوم وليلة وانا ماني مقتنعه بالرجال لكن اهلي يشفون انه انسب واحد لي
لانه غني ومركز اهله عالي وسمعته زينه
لكن انا ماابيه مااحس انه الشخص الي في بالي ودي بانسان لكن من الصعب اني الاقيه ثاني
دانا : يعني في احد في بالك
شجن : ايه
دانا : منو
شجن : شاب قابلته في كندا وصارت بينا مواقف كثيرة لكن مااعرف احساسه شلون ناحيتي
دانا : طيب ماتعرفين عنه شيء
شجن : للاسف لا
دانا : الله يعينك
طيب حاولي فهمي اهلك الموضوع قولي لهم انك ماتبين الي اختاروه لكي
شجن : مافي فايدة
امي مقتنعه فيه واقنعت ابوي
ابوي مايهمة المركز والفلوس ابوي يهمه الشاب شلون دينه واستقامته
لكن امي الله يهديها اقنعت ابوي بكل الوسائل
دانا : الله يكون بعونك
شجن : على العموم هذي بطاقة دعوة لعرسي انت والاهل طبعا تتفضلون
دانا : طيب اقدر اعزم الي ابيه
شجن: اكيد
اعتبريه عرسك انتي مو عرسي
دانا : يابعد عمري
شجن : استأذنك الحين وراي كذا مشوار للسوق
دانا: الله يعينك فمان الله
شجن : فمان الله
عرس شجن بعد شهر
دانا تكلم ناصر
دانا : حبيبي لك معاي عزيمة في عرس صديقتي
ناصر: شلوون
انتي تعرفين انا مااحب اروح للاعراس دندون بلييييز لاتجبريني ماابي
دانا : ناصر مايصير لازم تروح لانك انت الي بتودينا اصلا وبدل ماتروح وبعدين ترجع
خلاص احضر العرس مرة وحده
ناصر : منا لذاك اليوم يصير خير
اقول هو عرس مين
دانا : صديقتي شجن
ناصر: شجن
دانا : ايه شفيك كأنك غصيت
ناصر: لا ابد بس ارسلي لي الكرت وده اشوفه
دانا : تعال اتغدى عندنا اليوم وبعدين شوفه
ناصر : اوكي
يرووح ناصر زي الريح لبيت دانا
ويشوف الكرت ويقرا الاسم شجن
ويعرف انها نفس الي شاغلة تفكيره وقلبه
ويزيد كآآآآآبه
ويتغير حاله
ويجي يوم العرس
طبعا شجن طلعت من اجمل مايكون
دانا : ناصر وينك مارح توديني انا وامي للعرس
ناصر : الا بجيك شوي
ناصر: يسوق السيارة ودانا تسولف معاه وهو ابد مو وياها
الين ماوصلوا الفندق الي فيه العرس
تدخل دانا وامها لصالة الحريم
و ناصر يروح لصالة الرجال
ويقابل ابو شجن ويسلم عليه ويتذكر ابو شجن انه هو الشاب الي تبدلت شنطتة بنته معاه
شوي وبدون سابق انذار يشب حريق بصالة الحريم
والاصوات تتعالى
ابو شجن خايف على بنته وزوجته ويجون رجال الاطفاء ويحاولون يسيطرون على الوضع
ناصر يقول للمعرس ادخل انقذ زوجتك
المعرس : لا يبه انا مو بايع عمري اذا لها عمر ومكتوبه لي مارح يحصل لها شي
ناصر يطالع فيه بنظرة استحقار
دقت شجن على ابوها تستنجد فيه وتقوله انه بغرفة العروس
وهي تصرخ ويسمعها ناصر ويطير لها طيران
ويحاول انه يقتحم النيران الين مايقدر يوصل للغرفة الي فيها شجن
ويوم فتح الباب
وجت عينه بعيونها
شجن اغمى عليها ماصدقت الي صار
يقوم ناصر ويشيلها بين ذراعه ويطلع فيها من بين السنه اللهب
طبعا ناصر نسي خطيبته وخالته لانه مافي احد في باله الا شجن
طلع للخارج ولفها بشماغه عشان لاحد يشوفها من الرجال الي بره
ويطلع مع ابوها وامها بسيارة الاسعاف
وطبعا عريسها منذهل من ناصر شلون ماخاف على نفسه وانقذها وهي ماتصير له شيء ولاتقرب له
وتجلس بالمستشفى يومين من اثر الصدمة
ويجي يزوها عريسها في المستشفى لكن ابوها يطرده
لانه مو كفؤ انه يكون زوج لبنته
يتصل ابو شجن على ناصر ويطلب منه انه يشوفه
ابو شجن : والله ياولدي ماني عارف وش اقولك انا عاجز عن شكرك
لانك انقذت حياة بنتي
واثبت لي انه النذل زوجها مايستاهلها
ناصر: ياعمي ودي اطلبك طلب
ابو شجن : تفضل اطلب الي تبيه
ناصر: ودي اكون نسيبك
ابو شجن : وانا اتشرف انه واحد مثلك يكون زوج لبنتي
وطبعا الباقي معروف
تزوجوا وعاشوا احلى حياة
ودانا انصدمت صدمة كبيرة في خطيبها وصديقتها
لكن تفهمت الوضع بعدين
.....................................

هههههههههههههههههههههههههههههههه

الحمد الله انتهت بخير وسلاااااااااااام

وعلى اسمك بعد هع هع هع هووع

مشكووره حبيبتي على القصه

دمتي بوود

العفو بنوته ..

مشكوورة شجوونة
لآ عدمناك

كل الشكر لك حبيبتي
ما قصرتي

بخفي ..

ملوكهـ..

مشكووورين على مروركم الذي زاد من نور متصفحي ..

لكم كل الود ..